Ата-эненин талабы менен ажырашуу (талак) — Шейх Сулайман ар-Рухейли

Ата-эненин талабы менен ажырашуу (талак) — Шейх Сулайман ар-Рухейли

1997
3
ПОДЕЛИТЬСЯ

❓СУРОО. Бидин үйлөнгөнүбузгө он жыл болду, бирок ушуга чейин Аллах бизге наристе насип эткен жок. Медицина жактан текшерилсек келинчегибиз экөөбүз тең таза чыктык. Бирок Аллахтын жазып койгон тагдыры бийик.

Апам аялың менен ажыраш деп талап кылып жатат. Ушул маселенин шариятта өкүмү кандай?

 

🎙ЖООП. Шейх Сулейман ар-Рухейли айтты:

Аллахка мактоолор болсун. Бардык иштердин баары Аллахтын колунда. Бүт нерсенин өзүнүн мөөнөтү бар, аны инсан билбейт.

Суроо берүүчү айтып жаткандай, дарыгерлердин айтуусунда аялынын ден-соолугу таза экен.

Аллахтан гана үмүт кылуу керек. Үйлөгөндөрүнө жыйырма жылга жакындап, анан гана Аллах наристе берген көптөгөн адамдарды билебиз.

Алтымыш жашка жетип балалуу болбой, алтымыштан өткөн соң көптөгөн балалуу болгон аалымдарды билебиз.

Бул Аллахтын буйругу. Ал каалагандай башкарат.

🎙Менин бул бир тууганыма берээр насаатым: жүрөгүңдү Аллахка байла, “Рабби ля тазарнии фардав ва анта хойруль-варисин” 📚(Куран, аль-Анбия 21:89) “Раббим, мени жалгыз калтырба, сен мураскорлордун эң жакшысысың” (Закария пайгамбардын дуасы) деген дуаны айтып, Аллахтан наристе берүүсүн көп көп тиле.
Ал эми эне тууралуу айтсак: эне өзүнүн баласын жакшы көрөт жана ага жакшылык каалайт, анын балалуу болуусун каалайт. Анан ушул баласына болгон сүйүү – жогоруда бир тууганыбыз айткандай акыбалга алып келиши мүмкүн.
🎙Менин насаатым, эгер келинчегиң такыба, жакшы аял болсо – анда энеңди ыраазы кылууга умтул, ал эми аялың менен ажырашпа.

Себеби ата-эненин “аялыңа талак бер” деген буйругуна моюн сунулат, качан гана аялыңдын мүнөзүндө же дининде айып болсо.

Имам Ахмадка бир адам келип: “Менин атам аялың менен ажыраш деп жатат, бирок аялымдын эч бир айыбы жок” – деп айтат. Анда Имам Ахмад: “Ажырашпа” – деп айтат. Анда адам ”Чындыгында Умар баласы Абдулланы аялы менен ажырашуусун талап кылып, баласы ажырашат эмеспи” – дегенде, Имам Ахмад “Сенин атаң Умар эмес да” – деп жооп берет.

Себеби Умар (Аллах андан ыраазы босун) диний пайда үчүн [аялына талак берсин деп баласын] буйруган.

Кошумча окуу:
Аялыңызга ушул сөздөрдү айттыңыз беле? — ИсламЖолу
Сабыр кылуу ыймандан — ИсламЖолу
Ата-эне жана аларды сыйлоо — Шейх Абдурразак аль-Бадр — ИсламЖолу

🎙Менин насаатым: тууганым, энеңдин ыраазычылыгына умтул, ага мээримдүү жана кичипейил бол, башынан, колунан, кадамынан өп. Бирок, аялың менен ажырашпа.

Эгер энеңдин ыраазычылыгын таба албасаң, ал сага ачууланганын токтотпосо – анда аялыңа жумшак бол, аны менен ажырашпай, аны алып калуу үчүн экинчи аял алышың керектигин айт. Бир гана аны алып калуу максатта экениңди айт. Апаң сага басым жасап, аялың менен ажырашпаш үчүн – экинчи аял алыш керектигин айт. Аялыңды ыраазы кыл да, экинчи аял ал.

Аллахка ант, мен канчалаган окуяларды билем жана жашоомдо кезиктирдим: эки жубай он жети жылдан ашык жашап балалуу болушпай, анан эркек экинчи аял алып, ал аялы боюна бүткөндө, биринчи аялы да боюна бүтүп, экөө тең дароо төрөгөн. Мен бул окуяны жана ушуга окшошторун өз көзүм менен көргөнмүн.

Балким экинчи аял алганың – биринчисинен да, экинчисинен да балалуу болушуңа себеп болоор.

Аллах Тааладан сенин абалыңды оңдоосун жана ата-энең сенден ыраазы болуусун суроо менен айтаар насаатым ушул.
🌎 https://www.youtube.com/watch?v=7tC-gB87X_0

©ИсламЖолу

3 КОММЕНТАРИИ

  1. Пикир:саламатсыздарбы?менда ушул эле тема боюнча суроо бергим келип атат.мумкун болсо шарият жолунда кандай кылса болот жооп берип коесуздарбы?Эжекем турмушка чыкканына 12 жыл болду,удаа 2 кыздуу болушту..жездем эжекемди уруп москада боюнан козголуп тушуп калган болчу.Андан бери 8жыл отту ошондон бери эжекемди кайын журту торобойсун деп куноолоп жездем кун ара урат.ата=энем ажыраш десе эжем болбойт,кандай кылса болот?эжекем ден-соолугунан ойлонуп турабыз.

  2. Ассалому алейкум менде сурооум бар эле башым катып калды,эмне кылаарымды да билбей калдым. Ушуну шариат жолу мен кандай кылыш керек. Мен уйлонгонумо бир жыл болду,анан апам менен женем аялыма катуу суйолоп урушкан экендер, аялым кетип калган. Анан бир куну, жук тагын алып кеткени келген экендер мен жумушта болгон элем. Ошондо кичине айтыша кетиптирлер ошондо аялын мага кураан карматы деп апам айты. Ошого апам такыр эле болбой атат ажыраш деп. Анан аялымдан сурасам жоок мен болгону эле мындай деп айттым. Мага бир эки созду айтып, сен ушундай дегенсин деди эле. Анан мен жоок,мен андай деген жокмун керек болсо кураан кармап ант бере алам, сиз дин созунуз туура болсо сиз ошондой кыл аласпы десем озу барып кураанды кармап ооба деди

ОСТАВЬТЕ ОТВЕТ